روپے کے مقابلے میں امریکی ڈالر کی قدر مسلسل تیزی سے گرنے لگی

ملک بھر میں روپے کے مقابلے میں ڈالر کی قدر مسلسل تیزی سے گرنے لگی، ایک مرتبہ پھر امریکی کرنسی 28 پیسے سستی ہو گئی۔

سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے دوسرے کاروباری روز کے دوران انٹر بینک میں روپے کے مقابلے میں امریکی ڈالر 28 پیسے سستا ہو گیا اور قیمت 157 روپے سے کم ہو کر 156 روپے 72 پیسے ہو گئی ہے۔

یاد رہے کہ 9 مارچ کو ڈالر 156 روپے 58 پیسے پر بند ہوا تھا، ڈالر اپنی بلند ترین سطح سے 11 روپے 71 پیسے سستا ہوا، ڈالر سستا ہونے سے بیرونی قرضوں کے بوجھ میں 1200 ارب روپے کمی ہوئی۔

معاشی ماہرین کا کہنا ہے کہ روپے کے مقابلے میں امریکی ڈالر کی گراوٹ کی بڑی وجوہات میں سے ایک وجہ وزیراعظم عمران خان کا ڈیجیٹل روشن پروگرام ہے جس میں اوور سیز پاکستانیوں کی بڑی تعداد ملک میں پیسے بھیج رہی ہے۔

ماہرین کا کہنا ہے کہ دوسری وجوہات میں گزشتہ نو ماہ کے دوران مسلسل ریکارڈ ترسیلات زر کا ملک میں آنا بھی ہے، آئی ایم ایف کی طرف سے قرض پروگرام کی بحالی کے بعد قوی امکان ہے کہ آئندہ چند دنوں میں قرض پروگرام کی نئی قسط موصول ہو جائے گی۔ جبکہ آئندہ دو ماہ کے دوران بھی مزید ترسیلات زر موصول ہو سکتی ہیں، کیونکہ آئندہ دو ماہ کے دوران رمضان المبارک اور عید کے باعث اوور سیز پاکستانی ملک میں پیسے بھیج سکتے ہیں جس کے باعث قوی امکان ہے کہ روپے کے مقابلے میں امریکی ڈالر کی قیمت 155 روپے سے نیچے گر جائے گی۔

ennpak

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

قومی فٹبال وومن چمپئین شپ، واپڈا نے ہزارہ گرلز کو 17 گولز سے شکست دے دی

منگل مارچ 16 , 2021
کورونا وائرس کی شکار قومی فٹبال وومن چمپئین شپ کراچی میں جاری ہے، گروپ اے کے میچ میں واپڈا نے ہزارہ گرلز کو 17گولز سے شکست دے دی۔ ایونٹ کے پانچویں روز کے ایم سی اسٹیڈیم میں ہونے والے میچ میں واپڈا نے صفر کے مقابلے میں 17 گولز سے […]

کیلنڈر

ستمبر 2021
پیر منگل بدھ جمعرات جمعہ ہفتہ اتوار
 12345
6789101112
13141516171819
20212223242526
27282930  
%d bloggers like this: