عاطف امین ۔ انٹرنی رپورٹر
بلاول بھٹو نے پی ڈی ایم کا شو کاز نوٹس پھاڑ کر پھینک دیا
پیپلز پارٹی کے چیئر مین بلاول بھٹو نے پاکستان ڈیمو کریٹک موومنٹ کی جانب سے موصول ہونے والے پاکستان ڈیمو کریٹک موومنٹ کے شو کاز نوٹس کو پھاڑ کر پھینک دیا ۔نجی نیوز چینل جیو کے مطابق پیپلز پارٹی کے سنٹر ایگزیکٹو کمیٹی کے اجلاس میں بلاول بھٹو نے شرکا کو پی ڈی ایم کی جانب سے بھیجا گیا شوکاز نوٹس پڑھ کر سنا یا اور اس کے بعد انہوں نے شوکاز نوٹس کوپھاڑ کر پھینک دیاجس پر شرکا نے تالیاں بجائیں۔اس موقع پر بلاول کا کہنا تھا کہ ہم سیاست عزت کے لیے کرتے ہیں، عزت سے بڑھ کرکچھ نہیں۔
یاد رہے کہ پی ڈی ایم نے سینیٹ میں اپوزیشن لیڈر کے لیے بلوچستان عوامی پارٹی سے ووٹ مانگنے پر پیپلزپارٹی اور اے این پی کو شوکاز نوٹس جاری کیے تھے جس پر پی پی پی نے سخت ردعمل اور اے این پی نے اتحاد سے نکلنے کا اعلان کیا تھا۔