پی ڈی ایم کا اندرونی انتشار کھل کر سامنے آ چکا ہے، وزیر خارجہ شاہ محمود قریشی

وزیر خارجہ مخدوم شاہ محمود قریشی نے کہا ہے کہ پی ڈی ایم کا اندرونی انتشار کھل کر سامنے آ چکا ہے، پیپلز پارٹی کسی صورت سندھ حکومت کی قربانی نہیں دے گی۔

وزیر خارجہ مخدوم شاہ محمود قریشی نے اپنے ایک بیان میں کہا کہ میں نے ہمیشہ کہا ہے کہ پی ڈی ایم ایک غیر فطری اتحاد ہے۔ ان کا منشور اور سوچ ایک نہیں ہے، یہ کٹھ جوڑ محض مفادات کی وجہ سے ہے۔

شاہ محمود قریشی نے کہا کہ سینیٹ انتخابات میں یہ ایک دوسرے پر شکوک و شبہات کا اظہار کرتے رہے ہیں جبکہ آج ان کا اندرونی انتشار، کھل کر سامنے آ چکا ہے۔وزیر خارجہ نے کہا کہ کل آصف علی زرداری نے استعفوں کیلئے نواز شریف کی واپسی کی شرط رکھی جسے مریم نواز نے اسی اجلاس میں مسترد کر دیا۔استعفوں کے مطالبے کے حوالے سے میرے بیانات ریکارڈ پر موجود ہیں ۔میں شروع سے کہتا چلا آ رہا ہوں کہ پیپلز پارٹی استعفے نہیں دے گی۔پیپلز پارٹی، کسی صورت سندھ حکومت کی قربانی نہیں دے گی۔

وزیر خارجہ نے کہا کہ پی ڈی ایم کا اتحاد، نیب کی گرفت سے بچنے کیلئے ہے ۔پیپلز پارٹی اور نون لیگ دونوں اپنے اپنے مفادات کیلئے ایک دوسرے کو استعمال کر رہے تھے تاکہ مقصد پورا ہونے کے بعد راہیں جدا کر لی جائیں۔

انہوں نے کہا کہ انہوں نے اپنے بچاؤ کیلئے پی ڈی ایم میں پڑاؤ کیا ہوا تھا،ان میں اختلافات کے باعث مولانا فضل الرحمن نے ناراضگی کا اظہار کرتے ہوئے لانگ مارچ منسوخ کیا اور کانفرنس چھوڑ کر چلے گئے۔

 

ennpak

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

وزیراعظم کے غریب طبقہ کو گھروں کی فراہمی کے وعدہ کی تکمیل کا آغاز

بدھ مارچ 17 , 2021
وزیراعظم کے غریب طبقہ کو اپنے گھروں کی فراہمی کے وعدہ کی تکمیل کا آغاز ہوگیا۔ اسلام آباد کے مزدور اور دیہاڑی دار طبقے کو گھروں کی فراہمی کا منصوبہ مکمل ہوگیا۔ عمران خان کل مزدور طبقے میں رہائشی فلیٹس اور مکانات کی تقسیم کریں گے۔ نیا پاکستان ہاؤسنگ منصوبے […]

کیلنڈر

جون 2021
پیر منگل بدھ جمعرات جمعہ ہفتہ اتوار
 123456
78910111213
14151617181920
21222324252627
282930  
%d bloggers like this: