نیوزی لینڈ کے سمندری ساحل پر بادبانی کشتیوں کے سخت مقابلے ہوئے۔ میزبانی ٹیم نے شاندار کم بیک کرتے ہوئے امریکا کپ میں پانچ تین کی برتری حاصل کر لی۔
ہواؤں کا رخ بدلنے، راستہ بنانے اور منزل تک پہنچنے کے جوش نے دیکھنے والوں کو بھی جوشیلا کر دیا۔
تفصیل کے مطابق آکلینڈ کے ساحل سمندر پر امریکا کپ کے اعصاب شکن مقابلے جاری ہیں۔ نیلگوں پانی اور ہواؤں کی مخالف سمت دنیا بھر کے کشتی ران اِن ایکشن نظر آئے۔
میزبان ٹیم نیوزی لینڈ نے اطالوی حریفوں سے برتری چھینی، اس کم بیک کو یادگار بناتے ہوئے پانچ تین سے فتح اپنے نام کی اور سبقت کی دھاک بٹھائی۔
فاتح کھلاڑیوں نے مقررہ فاصلہ تین منٹ اور پچپن سیکنڈ میں طے کیا۔ اطالوی سیلرز نے دوبارہ برتری واپس لینے کا عزم ظاہر کر دیا۔ سنسنی خیز اور اعصاب شکن مقابلے میں کشتی بان ہی نہیں بلکہ ان کے پرستار بھی پرجوش نظر آئے۔