‘امن کی خواہش کو کمزوری نہ سمجھا جائے، کسی بھی مہم جوئی کا فوری جواب دیا جائیگا’

سربراہ پاک فضائیہ مجاہد انور خان نے کہا ہے کہ ہماری امن کی خواہش کو کمزوری نہ سمجھا جائے، کسی بھی مہم جوئی کا فوری جواب دیا جائے گا۔

اسلام آباد میں ائیر ہیڈ کوارٹرز میں آپریشن سوئفٹ ریٹارٹ کے دو سال مکمل ہونے کی مناسبت سے منعقدہ خصوصی تقریب سے سربراہ پاک فضائیہ نے خطاب کرتے ہوئے کہا کہ آپریشن سوئفٹ ریٹارٹ کے تحت ہماری افواج نے بہترین دفاع کیا، پاک فضائیہ کے پائلٹس کو پیشہ ورانہ صلاحیتوں پر سلام پیش کرتا ہوں، پاکستان ایک پر امن ملک ہے، دنیا نے دیکھا کہ پاکستان نے امن کیلئے بھارتی پائلٹ واپس کیا۔

ایئر چیف مارشل مجاہد انور خان کا کہنا تھا کہ ہماری افواج کو ملک کے دفاع کیلئے ہر لمحہ تیار رہنا ہوگا، اپنی ذمہ داریوں کو جانتے ہیں، وطن عزیز کے دفاع کیلئے ہر لمحہ تیار ہیں۔

قبل ازیں آپریشن سوئفٹ ریٹارٹ کے 2 سال مکمل ہونے پر ایئر ہیڈ کوارٹرز اسلام آباد میں خصوصی تقریب ہوئی۔ ایئر چیف مجاہد انور خان نے گارڈ آف آنر کا معائنہ کیا۔ تقریب میں قومی ترانہ بجایا گیا۔ 5 طیاروں کی فارمیشن نے فلائی پاسٹ کیا۔ جے ایف 17 تھنڈر کے 3 طیاروں کی فارمیشن نے بمباری کا مظاہرہ کیا۔

ennpak

Leave a Reply

Your email address will not be published. Required fields are marked *

Next Post

گجرات: نامعلوم افراد کی فائرنگ، خاتون سمیت تین افراد جاں بحق

Sat Feb 27 , 2021
نامعلوم افراد نے فائرنگ کر کے خاتون سمیت تین افراد کو موت کے گھاٹ اُتار دیا۔ تفصیلات کے مطابق ضلع گجرات کے علاقے منڈیر میں نامعلوم افراد نے فائرنگ کر دی، فائرنگ کے باعث تین افراد جاں بحق ہو گئے، جاں بحق ہونے والوں کی شناخت محمد اختر، محمد اسحق […]

You May Like

کیلنڈر

March 2024
M T W T F S S
 123
45678910
11121314151617
18192021222324
25262728293031