نمائندہ خصوصی: ذیشان لیاقت
کارڈ نمبر 4229:2020
مانگا منڈی کے نواحی گاؤں کوٹ اسداللہ خان میں ماں نے کمرے میں آگ لگا کر اپنے ہی دو بچے جلا کر مار ڈالے
تفصیلات کے مطابق کوٹ اسداللہ خان کا وقاص جو کہ فیکٹری میں ملازم ہے اور اس کے تین بچے تھے اس کے اور اس کی بیوی تنزیلہ کے درمیان اکثر لڑائی جھگڑا رہتا تھا رات کے جھگڑے کے بعد بچوں کی ماں تنزیلہ نے آج (سوموار) صبح گیارہ بجے بچوں کو کمرے میں بند کر کے گھر کو آگ لگا دی
جس سے تین سالہ فیضان اور دو سالہ عبدالرحمان جھلس کر جاں بحق ہو گئے میاں بیوی کے درمیان اکثر جھگڑا چلتا رہتا تھا
اس اندوہناک واقعہ کے بعد گاؤں میں سوگ کی فضا قائم ہے ہر آنکھ اشکبار ہے ریسکیو ٹیموں نے موقع پر پہنچ کر آگ پر قابو پایا مانگا منڈی پولیس نے حالات مشکوک دیکھ کر تحقیقات کیں تو ماں تنزیلہ نے گھر میں خود ہی آگ لگانے کے جرم کا اعتراف کر لیا
مانگا منڈی پولیس نے تنزیلہ کو حراست میں لے کر مذید قانونی کاروائی شروع کردی ہے
