سکھر، گڈو بیراج کے درمیان انڈس ڈولفن کی تعداد میں اضافہ

محکمہ وائلڈ لائف نے گڈو سے سکھر بیراج کے درمیان انڈس ڈولفن کے حوالے سے تین روزہ سروے مکمل کرلیا۔ سکھر بیراج سے گڈو بیراج کے درمیان انڈس ڈولفن کی تعداد میں اضافہ ہوا ہے۔

صوبائی وزیر جنگلات ناصر حسین شاہ نے انڈس ڈولفن سروے کے حوالے سے میڈیا کو بریفنگ دی۔

ان کا کہنا تھا کہ گڈو بیراج سے سکھر بیراج کے درمیان نایاب انڈس ڈولفن کی تعداد 1419 ہے۔

انہوں نے کہا کہ 2011 کے بعد یہاں سروے نہیں کیا گیا، یہ سروے ہر دو سال بعد ہونا چائیے تھا۔

ناصر حسین شاہ کے مطابق 2011 کے سروے میں انڈس ڈولفن کی تعداد 911 تھی، تب سے اب تک گڈو بیراج سے سکھر بیراج کے درمیان 508 انڈس ڈولفن کا اضافہ ہوا ہے۔

صوبائی وزیر نے کہا کہ انڈس ڈولفن کی نسل باپید ہوتی جارہی ہے، خوشی کی بات ہے اس کی تعداد میں اضافہ ہوا ہے۔

ناصر حسین شاہ نے کہا کہ عالمی سطح پر اس نایاب نسل کی ڈولفن کو پذیرائی حاصل ہوئی ہے، حکومت سندھ نایاب نسل کی ڈولفن کے تحفظ کیلئے اقدامات کر رہے ہیں۔

دریائے سندھ میں پائی جانے والی نابینا یا انڈس ڈولفن کو سندھی زبان میں بھلن بھی کہا جاتا ہے، یہ دنیا کی نایات ترین اقسام میں سے ہے جو صرف دریائے سندھ اور گنگا میں پائی جاتی ہے۔

ماہرین کا کہنا ہے کہ یہ نایاب نسل کی ڈولفن اندھی ہوتی ہے اور پانی میں آواز کے سہارے اپنا راستہ تلاش کرتی ہے۔

نیوز ڈیسک

ای این این ٹی وی کا نیوز ڈیسک نمائندگان کی خبروں کے ساتھ ساتھ دنیا بھر میں رونما ہونے والے واقعات کو اپنی قارئین کے لیے اپنی ویب سائٹ پر شائع کرتا ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

ملک کے بیشتر حصوں میں بارش، پہاڑی علاقوں میں برفباری کا امکان

پیر جنوری 13 , 2020
Share this on WhatsAppآئندہ 24 گھنٹوں کے دوران ملک کے بیشتر حصوں میں بارش جبکہ پہاڑی علاقوں میں برفباری کا امکان ہے۔ محکمہ موسمیات کے مطابق اتوار کے روز بلوچستان ،خیبر پختونخواہ ، گلگت بلتستان اور کشمیر میں اکثر مقامات پرجبکہ اسلام آباد سمیت پنجاب اور سندھ کے اضلاع میں […]

کیلنڈر

فروری 2020
پیر منگل بدھ جمعرات جمعہ ہفتہ اتوار
« جنوری    
 12
3456789
10111213141516
17181920212223
242526272829  
%d bloggers like this: