پی ٹی اے نے غیر رجسٹرڈ فونز کھول دیے

کراچی: پاکستان ٹیلی کمیونیکیشن اتھارٹی (پی ٹی اے) سے غیرمنظور شدہ سیل فون رکھنے والے بہت سے لوگوں نے اپنے ہینڈ سیٹس پر مقامی سیلولر نیٹ ورکس دوبارہ بحال دیکھ کر خوشی کا اظہار کیا ہے اور سوشل میڈیا پر دوسروں کو مشورہ دیا کہ وہ اپنے بلاک شدہ فونز میں سم ڈال کر چلانا شروع کردیں۔

پاکستان میں موبائل کی آمد کے 60 دنوں کے بعد اگر مطلوبہ ڈیوٹی/ٹیکس جمع نہ کرایا جائے تو پی ٹی اے سے غیرمنظور شدہ فونز کو ملک میں سم کارڈ کے ساتھ استعمال نہیں کیا جا سکتا، ایسے فونز کو وائی فائی نیٹ ورک سے منسلک کرکے استعمال کیا جاسکتا ہے۔

جہاں ایک طرف چند لوگ اسے تکنیکی خرابی سمجھ رہے ہیں، وہیں یہ افواہیں بھی پھیل رہی ہیں کہ شہباز شریف کی قیادت میں حکومت نے مہنگے موبائل فونز پر بھاری ٹیکس ختم کر دیا ہے اور پاکستان ٹیلی کمیونیکیشن اتھارٹی کو ان ڈیوائسز کو ان بلاک کرنے کی ہدایت کی ہے۔

تاہم، صارفین کی خوشی زیادہ دیر تک قائم نہیں رہے گی کیونکہ پی ٹی اے نے وضاحت کی ہے کہ کچھ تعداد میں پی ٹی اے سے غیرمنظور شدہ سیل فونز کو بحال کرنا ایک باقاعدہ مشق تھی جس کا مقصد لوگوں کو سروسز کا استعمال جاری رکھنے کے لیے ٹیکس جمع کرانے کی ترغیب دینا ہے۔

پی ٹی اے کے ترجمان خرم علی مہران نے ڈان کو بتایا کہ یہ اتھارٹی کی طرف سے لوگوں کو اپنے فون رجسٹر اور ٹیکس ادا کرنے کے سلسلے میں ترغیب دینے کے حوالے سے قائل کرنے کی مشق ہے۔

انہوں نے کہا کہ کچھ غیررجسٹرڈ فونز کو کام کرنے کی اجازت دی گئی ہے اور یہ 60 دنوں کے اندر کسی بھی وقت خود بخود بلاک ہو جائیں گے۔

نیوز ڈیسک

ای این این ٹی وی کا نیوز ڈیسک نمائندگان کی خبروں کے ساتھ ساتھ دنیا بھر میں رونما ہونے والے واقعات کو اپنی قارئین کے لیے اپنی ویب سائٹ پر شائع کرتا ہے۔

Leave a Reply

Your email address will not be published. Required fields are marked *

Next Post

منی لاندڑنگ کیس: مونس الہیٰ کی 4 جولائی تک عبوری ضمانت منظور

Wed Jun 22 , 2022
مسلم لیگ (ق) کے رہنما اور سابق وفاقی وزیر مونس الہیٰ نے منی لاندڑنگ کیس میں گرفتاری سے بچنے کے لیے بینکنگ جرائم کورٹ سے 4 جولائی تک عبوری ضمانت حاصل کرلی۔ سابق وفاقی وزیر مونس الہیٰ کی عبوری ضمانت کی درخواست پر سماعت ہوئی،بیکنگ جرائم کورٹ کے جج اسلم […]

کیلنڈر

January 2023
M T W T F S S
 1
2345678
9101112131415
16171819202122
23242526272829
3031