‘اپوزیشن نے جو بویا وہی اب کاٹ رہے ہیں، غیر فطری اتحاد اپنے انجام کو پہنچ چکا’

وزیراعلیٰ عثمان بزدار نے کہا ہے کہ اپوزیشن نے جو بویا وہی اب کاٹ رہے ہیں، پی ڈی ایم کا غیر فطری اتحاد اپنے انجام کو پہنچ چکا ہے، اپوزیشن نے پاکستان کے مفادات کو داؤ پر لگانے میں کوئی کسر نہیں چھوڑی، عوام میں منفی سیاست کرنے والوں کی ساکھ ختم ہوچکی ہے، پی ڈی ایم کو اب انتشار کی سیاست چھوڑ کر ہوش کے ناخن لینے چاہئیں۔

وزیراعلیٰ پنجاب سے وزیراعظم کے معاون خصوصی ملک امین اسلم اور اراکین قومی اسمبلی راجہ ریاض، خرم شہزاد اور رضا نصر اللہ گھمن نے ملاقات کی جس میں باہمی دلچسپی کے امور، حلقوں کے مسائل اور ترقیاتی منصوبوں کے حوالے سے تبادلہ خیال کیا گیا۔ عثمان بزدار نے اراکین قومی اسمبلی کو ان کے حلقوں کے مسائل حل کرنے کی یقین دہانی کرائی۔

اس موقع پر عثمان بزدار کا کہنا تھا کہ اراکین صوبائی اسمبلی کی طرح قومی اسمبلی کے اراکین بھی میرے ساتھی ہیں، ترقیاتی منصوبوں میں منتخب نمائندوں کی مشاورت شامل ہے، حلقوں کے مسائل حل کرنا اور جاری ترقیاتی سکیموں کی جلد تکمیل اولین ترجیح ہے، ہر ضلع کا علیحدہ ڈویلپمنٹ پیکیج تیار کیا گیا ہے۔

وزیراعلیٰ پنجاب نے کہا کہ میں نے اضلاع کے دورے شروع کر دیئے ہیں، جلد فیصل آباد اور اٹک کا دورہ کروں گا، تحریک انصاف کی حکومت نے سابق دور کی خرابیوں کو درست کیا ہے، ماضی میں قومی وسائل کو نمائشی منصوبوں کی نذر کر کے ملک و قوم سے ظلم کیا گیا، سابق حکمرانوں نے عوام کے بنیادی مسائل کو یکسر نظر انداز کیا۔

عثمان بزدار نے مزید کہا کہ حکومت نے عوام کے بنیادی مسائل کے حل پر توجہ مرکوز کی ہے، تحریک انصاف کی حکومت تمام علاقوں کی یکساں ترقی پر یقین رکھتی ہے، نیا پاکستان عام آدمی کا پاکستان ہے، مختصر عرصے میں مختلف شعبوں میں اصلاحات کر کے نئی مثال قائم کی ہے، ہم نعروں پر نہیں عمل پر یقین رکھتے ہیں۔

وزیراعلیٰ پنجاب نے کہا کہ اللہ نے خدمت خلق کا جو موقع عطا کیا ہے، اسے عبادت سمجھ کر نبھا رہے ہیں، وزیراعظم عمران خان کی قیادت میں پاکستان اپنا اصل مقام حاصل کرے گا، تحریک انصاف کی حکومت نے مختصر عرصے میں عوام کی فلاح و بہبود کیلئے متعدد اقدامات کیے ہیں، عوام کی خدمت کا ایجنڈا لیکر آئے ہیں۔

 

ennpak

Leave a Reply

Your email address will not be published. Required fields are marked *

Next Post

چینی سکینڈل میں پیشرفت: سٹہ بازی میں ملوث 40 افراد کے بینک اکاؤنٹ منجمد

Sat Mar 27 , 2021
چینی سکینڈل میں پیشرفت، ایف آئی اے نے سٹہ بازی میں ملوث 40 افراد کے بینک اکاؤنٹ منجمد کر دئیے، 100 جعلی اور بے نامی اکاؤنٹس بھی فریز کئے گئے۔ ڈائریکٹر ایف آئی اے لاہور زون ون محمد رضوان کی زیر صدارت اہم اجلاس ہوا، جس میں چینی کے سٹہ […]

You May Like

کیلنڈر

March 2024
M T W T F S S
 123
45678910
11121314151617
18192021222324
25262728293031