ڈویزل ڈائریکٹوریٹ آف انفارمیشن میرپور خاص میرپور خاص ( طلعت عارف ۔ نمائندہ Enn )
17 مارچ 2021 :- ڈویزنل کمشنر میرپور خاو سید اعجاز علی شاہ نے آج اپنے عہدے کا چارج سنبھالنے کے بعد ڈپٹی کمشنر سلامت میمن اور دیگر روینیو افسران کے ساتھ تعارفی اجلاس کیا۔اس موقع پر سید اعجاز علی شاہ نے کہا کہ ہم سب کو مل کر ایک ٹیم ورک کے طور پر کام کرنا ہے۔
انہوں نے کہا کہ وہ خدمت کے جذبے سے میرپور خاص آیا ہے اور انہیں غریب عوام اور اللہ کے بندوں سے پیار ہے، انہوں نے کہا کہ میرپور خاص سندھ کی اہم ڈویزن ہے جہاں سماجی ثقافتی ، علمی اور ادبی سرگرمیاں ہوتی ہیں۔انہیں مزید بہتر بنانے کے لئے وہ مختلف شراکت داروں سے ملاقاتیں کرکے ڈویز ن میں علمی ادبی اور ثقافتی سرگرمیوں میں اضافے کے ساتھ ساتھ عمر کوٹ، تھرپارکر اور میرپور خاص پر ڈاکومینٹری فلمیں بنوائیں گے۔انہوں نے کہا کہ میرپور خاص میں اچھی روایات کرنا چاہتا ہوں جس کے لئے وہ مزید بہتر کام کریں گے، اس موقع پر ڈپٹی کمشنر میر پور خاص سلامت میمن، ڈویزنل ڈائریکٹر انفارمیشن سوائی خان چھلگری، انفارمیشن آفیسر عمر کوٹ عبدالطیف سولنگی اور دیگر افسران موجود تھے۔
