فائق علی راجڑی ۔ ڈپٹی ڈائریکٹر نیوز
سکھر : فائق علی راجڑی کی گزارش پر ڈپٹی کمشنر گھوٹکی محمد عثمان عبداللہ نے کھلی کچہری منعقد کی
3200 ہیومن رائٹس پروٹیکشن محب وطن آرگنائزیشن پاکستان رجسٹرڈ ڈویژن کے کوآرڈینیٹر فائق علی راجڑی کی گذارش پر ڈپٹی کمشنر گھوٹکی محمد عثمان عبداللہ نے کھلی کچہری منعقد
کھلی کچہری میں ڈپٹی کمشنر گھوٹکی نے کہا ہے کہ عوام کے مسائل ترجیحی بنیادوں پر حل کئے جائیں
تمام سرکاری ملازم جائز کاموں سے دفاتر میں آنے والے لوگوں سے بہتر رویہ اختیار کریں، کسی کو بھی شکایت کا موقع نہیں ملنا چاہیے.
ان خیالات کا اظہار انہوں نے پریس کلب اوباوڑو کے قریب پبلک پارک میں منعقدہ کھلی کچہری سے خطاب کرتے ہوئے کیا. تفصیلات کے مطابق ڈپٹی کمشنر گھوٹکی محمد عثمان عبدﷲ نے لوگوں کے مسائل معلوم کرنے کے لئے سماجی تنظیم ہیومن رائٹس پروٹیکشن محب وطن آرگنائزیشن پاکستان ڈویژن سکھر کی گذارش پر پبلک پارک اوباوڑو میں کھلی کچھری منعقد کی
جس میں ایڈیشنل ڈپٹی کمشنر مسطقیم قریشی، اسسٹننٹ کمشنر اوباوڑو اور تحصیلدار سمیت محکمہ تعلیم، صحت، سماجی بہبود، زراعت، آبپاشی، لائیو اسٹاک و پولیس افسران سمیت عام لوگوں نے بڑی تعداد میں شرکت کی. اس موقع پر ڈپٹی کمشنر نے خطاب کرتے ہوئے کہا کہ اوباوڑو میں کھلی کچھری منعقد کرنے کا مقصد عام لوگوں کے مسائل معلوم کرکے موقع پر ہی حل کرنا ہے.
انہوں نے کہ تمام محکموں کے افسران کا بنیادی فرض ہے کہ وہ عوام کے مسائل ترجیحی بنیادوں پر حل کریں اس سلسلے میں جائز مسائل لیکر دفاتر میں آنے والے لوگوں سے بہتر سلوک اختیار کیا جائے تا کہ علاقے کے غریب و نادار لوگوں کی مشکلات کم ہوسکیں.
ڈپٹی کمشنر نے لوگوں سے اپیل کرتے ہوئے کہا کہ وہ کسی بھی ملازم کو رشوت نہ دیں اگر کوئی ملازم رشوت طلب کرے تو اطلاع دی جائے تا کہ ایسے ملازمین کے خلاف قانونی کارروائی کی جاسکے. کھلی کچھری کے دوران ڈپٹی کمشنر نے موقع پر ہی متعدد لوگوں کے مسائل فوری طور پر حل کرنے کے لئے متعلقہ افسران کو سختی سے ہدایات جاری کیں اور شکایات کا ازالہ کرکے رپورٹ فراہم کرنے کا حکم دیا.