جیکب آباد : عبدا لباقی نمائندہ ای این این سٹی رپورٹر
جیکب آباد : سرکاری ملازمین پرتشدد اور بلا جواز گرفتاریوں کے خلاف احتجاجی مظاہرہ
جیکب آباد:آل پاکستان کلرک ایسوسی ایشن کی مرکزی کال پر ڈگری کالج میں اسلام آباد میں سرکاری ملازمین پرتشدد اور بلا جواز گرفتاریوں کے خلاف کے ڈگری کالج میں سراج احمد کھوسو غلام مجتبیٰ مغل محمد قاسم منگی اور دیگر کی قیادت میں احتجاجی مظاہرہ کیا گیا۔
ملازمین نے ہاتھوں پہ سیاہ پٹیاں باندہ کر اسلام آباد واقعے کے خلاف سخت نعرے بازی کی۔
اس موقع پر مظاہرین نے میڈیا سے بات چیت کرتے ہوے کہا کہ اسلام آباد میں سرکاری ملازمین ڈی چوک پر اپنے حقوق کی حاصلات کے لیئے پرامن احتجاج کررہے تھے
پولیس نے بلا جواز سرکاری ملازمین پر تشدد اور غیر قانونی طور پر گرفتار کیا ہے انہوں نے مزید کہا کہ کلارک اپنے چارٹر آف ڈیمانڈ کے لیئے عرصہ دراز سے پرامن احتجاج کرتے آرہے ہیں
مگر وفاقی حکومت سرکاری ملازمین کے مطالبات کو تسلیم نہیں کررہی ہے
انہوں نے وزیر اعظم اور سپریم کورٹ سے اپیل کرتے ہوے مطالبہ کیا ہے کہ سرکاری ملازمین کے جائز مطالبات منظور کرکے ملازمین میں پھیلی بے چینی کو ختم کرائیں۔
