پشاور: (دنیا نیوز) باچا خان انٹرنیشنل ایئرپورٹ پر اے ایس ایف کی بڑی کارروائی، بیرون ملک کروڑوں روپے مالیت کی ہیروئن اسمگلنگ کرنے کی کوشش ناکام بنا دی۔ منشیات لے جانے والے مسافر کو حراست میں لے لیا گیا۔
مسافرحضرت رحمن غیر ملکی ایئرلائن قطر ایئرویز کی پرواز کیو آر 601 پشاور سے دوحہ جا رہا تھا۔ اے ایس ایف نے سول ایوی ایشن اتھارٹی کے جوائنٹ سرچ کاونٹر پرمسافر کے سامان کی تلاشی لی تو کپڑوں میں چھپائی گئی 5 کلو گرام ہیروئن برآمد ہوئی جس کی بین الاقوامی منڈی میں کروڑوں روپے مالیت بتائی جاتی ہے۔
اے ایس ایف نے مسافر کو حراست میں لیکر تفتیش شروع کردی، مزید قانونی کارروائی کیلئے مسافر کو انٹی نارکوٹکس فورس کے حوالے کردیا گیا ہے۔
