کورونا ویکسین کی جعل سازی ممکن نہیں ہے، ڈاکٹر نوشین حامد

پارلیمانی سیکرٹری برائے صحت ڈاکٹر نوشین حامد نے کہا ہے کہ کورونا ویکسین کی جعل سازی ممکن نہیں ہے، فروری کے وسط میں عالمی وبا سے بچاؤ کی ویکیسن پاکستان میں دستیاب ہوگی۔

ڈاکٹر نوشین حامد کی جانب سے جاری بیان میں کہا گیا ہے کہ کورونا ویکیسین کسی بھی میڈیکل سٹور پر دستیاب نہیں ہوگی۔ انہوں نے بتایا کہ کینسینو بائیو کے پاکستان میں ٹرائلز کئے گئے تھے ،اس کے نتائج کینیڈا میں مرتب کئے جا رہے ہیں، جلد ہی یہ ویکسین پاکستان میں درآمد کرنا شروع کر دی جائے گی۔

ان کا کہنا تھا کہ سائنو فرم ملک میں سب سے پہلے آ جائے گی۔ حکومت سائنوفرم کی گیارہ لاکھ خوراکیں منگوا رہی ہے۔ چین کی جانب سے یہ ویکسین پاکستان کو مفت فراہم کی جا رہی ہے۔

پارلیمانی سیکرٹری کا کہنا تھا کہ سائنو فرم کے کلینیکل تجربے کے نتائج 85 فیصد سے زیادہ ہیں۔ طبی عملے کو آنے والے دنوں میں یہ ویکسین لگنا شروع ہو جائے گی۔ کورونا وارڈذ میں کام کرنے والے عملے کو سب سے پہلے ویکسین لگائی جائے گی۔

انہوں نے بتایا کہ ڈریپ نے تین کمپنیوں کو ویکسین درآمد کرنے کی اجازت دی ہے۔ ان میں چینی ویکسین سائنو فرم اور آکسفورڈ کی ایسٹرزونیکا بھی شامل ہیں جبکہ روس کی سپوتنک فائیو کو درآمد کر رہے ہیں۔ ڈریپ کے مطابق ان تینوں ویکیسینز کے نتائج حوصلہ افزا ہیں، یہ ویکیسنز 80 فیصد تک موثر ہیں۔

نیوز ڈیسک

ای این این ٹی وی کا نیوز ڈیسک نمائندگان کی خبروں کے ساتھ ساتھ دنیا بھر میں رونما ہونے والے واقعات کو اپنی قارئین کے لیے اپنی ویب سائٹ پر شائع کرتا ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

مقبوضہ کشمیر میں پاکستان کے پرچم لہرا دیئے گئے، بھارتی فوج کے گھر گھر چھاپے

جمعرات جنوری 28 , 2021
کشمیریوں نے پاکستان سے محبت کا اظہار کرتے ہوئے مقبوضہ کشمیر میں پھر پاکستان کے پرچم لہرا دیئے، بھارتی فوج نے آگ بگولہ ہو کر گھر گھر چھاپے مارنے شروع کر دیئے۔ سری نگر کے مرکزی دروازے سمیت مقامات پر بھارتی فوج کی موجودگی کے باوجود دلیر کشمیریوں نے پاکستانی […]

کیلنڈر

جولائی 2021
پیر منگل بدھ جمعرات جمعہ ہفتہ اتوار
 1234
567891011
12131415161718
19202122232425
262728293031  
%d bloggers like this: