سلطنتِ عثمانیہ کا آخری وارث 90 برس کی عمر میں انتقال کرگیا

تین براعظموں پر حکومت قائم کرنے والی سلطنتِ عثمانیہ کے آخری وارث دندار عبدالکریم عثمان اولو 90 برس کی عمر میں شام کے دارالحکومت دمشق میں انتقال کرگئے۔

شاہی خاندان کے رکن اورحان عثمان اولو نے ایک ٹویٹ میں بتایا کہ ان کے چچا اور سلطنت عثمانیہ کے وارث دندار عبدالکریم عثمان اولو کا 19 جنوری 2021 کو 90 برس کی عمر میں دمشق میں انتقال ہوا۔

ترک اخبار ڈیلی صباح کے مطابق سلطنتِ عثمانیہ کے خاتمے کے بعد جب شاہی خاندان کو ترکی سے جلا وطن کیا گیا تو دندار عبدالکریم عثمان کا خاندان دمشق منتقل ہوگیا تھا۔ ان کی پیدائش 1924 میں وہیں ہوئی تھی۔

دندار عبدالکریم عثمان طویل عرصے سے علیل تھے اور دمشق میں ہی زیر علاج تھے، ان کے اہلخانہ نے انہیں علاج کیلئے ترکی منتقل کرنے کی کوشش کی لیکن خانہ جنگی کی صورتحال کے باعث انہیں اس میں کامیابی حاصل نہیں ہوسکی۔

دندار عبدالکریم عثمان سلطنت عثمانیہ کے آخری طاقتور سلطان عبدالحمید ثانی کے پڑپوتے اور سلطان کے صاحبزادے محمد سلیم آفندی کے پوتے تھے۔ فیملی کے سب سے سینئر رکن ہونے کے ناطے وہ خاندان کے اس وقت سربراہ بنے تھے جب عثمان بایزید کا 2017 میں انتقال ہوگیا تھا۔ عثمان بایزید سلطان عبدالمجید اول کے صاحبزادے تھے۔

خیال رہے کہ سلطنتِ عثمانیہ کے خاتمے کے بعد 1924 میں عثمانی خاندان کے ورثا کو دنیا بھر میں جلا وطن کردیا گیا تھا تاہم 1952 میں خاندان کی خواتین کو ترکی میں واپسی کی اجازت مل گئی تھی جبکہ مردوں کو یہ اجازت 1974 میں عطا کی گئی تھی۔

ترکی میں واپسی کی اجازت ملنے کے باوجود شاہی خاندان کے چند لوگ ہی واپس لوٹے تھے کیونکہ اکثر لوگوں نے اپنی نئی زندگیاں شروع کردی تھیں۔ عثمان اولو کے والد محمد عبدالکریم آفندی لبنان کے دارالحکومت بیروت میں ڈیرے ڈالے ہوئے تھے لیکن بعد میں وہ دمشق منتقل ہوگئے جہاں ان کا 1935 میں انتقال ہوگیا تھا۔

وفاقی حکومت نے پانچ فروری کو عام تعطیل کا اعلان کر دیا
عثمان اولو کے انتقال کے بعد ان کے 88 سالہ بھائی ہارون شاہی خاندان کے نئے سربراہ ہوں گے۔ ہارون عثمان اولو 1974 میں ترکی لوٹے تھے اور اس وقت استنبول میں مقیم ہیں۔

نیوز ڈیسک

ای این این ٹی وی کا نیوز ڈیسک نمائندگان کی خبروں کے ساتھ ساتھ دنیا بھر میں رونما ہونے والے واقعات کو اپنی قارئین کے لیے اپنی ویب سائٹ پر شائع کرتا ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

الیکشن کمیشن کے سامنے احتجاج

اتوار جنوری 24 , 2021
محمّد حفیظ ۔ نمائندہ سابق چیرمین میاں حبیب الرحمن ایڈوکیٹ ہاٸی کورٹ فتح جنگ بار کے صدر ناصر جمال ۔ایڈوکیٹ ہاٸی کورٹ ملک سعید اور اپنے ہر دلعزیز دوست ناصر خان تربیٹھی کے ساتھ پی ڈی ایم کا فارن فنڈنگ کے حوالے سے الیکشن کمیشن کے سامنے احتجاج میں شریک

کیلنڈر

مارچ 2021
پیر منگل بدھ جمعرات جمعہ ہفتہ اتوار
1234567
891011121314
15161718192021
22232425262728
293031  
%d bloggers like this: