لاہور: ریلیف کے نام پر قائم 21 سہولت بازار بند کر دیئے گئے

ملک میں مہنگائی کا طوفان اپنی جگہ برقرار ہے لیکن ریلیف کے نام پر قائم 21 سہولت بازاروں کو بند کر دیا گیا ہے۔ ڈی سی لاہور کا کہنا ہے کہ سہولت بازار لگانے کے مقصد میں کامیابی ہوئی، مگر عوام کی رائے مختلف ہے۔

تفصیل کے مطابق لاہور میں شہریوں کی سہولت کے لیے قائم 31 سہولت بازراوں میں سے 21 کو بند کر دیا گیا ہے۔ سہولت بازاروں پر کتنے فنڈز خرچ ہوئے؟ کتنے شہریوں کو ریلیف مل سکا؟ یہ تمام تفصیلات دنیا نیوز نے حاصل کر لی ہیں۔

وزیراعلیٰ پنجاب کی جانب سے اڑھائی ماہ قبل شہریوں کو ریلیف دینے کے لئے تحصیل شالیمار، رائیونڈ، کینٹ، ماڈل ٹاؤن اور تحصیل سٹی میں سہولت بازار قائم کئے گئے تھے۔

ضلعی انتظامیہ نے 21 سہولت بازار اور 10ماڈل بازاروں میں سہولت مراکز قائم کئے۔ ذرائع کے مطابق اڑھائی ماہ میں تقریبا 8 کروڑ روپے سہولت بازاروں پر خرچ جبکہ ساڑھے 4 لاکھ خاندان سہولت بازاروں سے مستفید ہوئے۔

ذرائع کے مطابق سہولت بازاروں میں ناقص سبزیاں اور پھل مہنگے داموں بیچے گئے۔ اشیائے خورونوش کے ریٹ عام مارکیٹ کے مطابق رہے۔ شہریوں نے سہولت بازاروں میں ریلیف کو برائے نام قرار دیا۔

دوسری جانب ڈی سی لاہور مدثر ریاض ملک کا کہنا ہے کہ شہر میں مہنگائی کی شرح میں کمی آنے پر سہولت بازار بند کئے گئے تاہم 10 ماڈل بازار شہریوں کو ریلیف دینے کے لئے قائم ہیں۔

نیوز ڈیسک

ای این این ٹی وی کا نیوز ڈیسک نمائندگان کی خبروں کے ساتھ ساتھ دنیا بھر میں رونما ہونے والے واقعات کو اپنی قارئین کے لیے اپنی ویب سائٹ پر شائع کرتا ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

پنجاب حکومت کا موسم گرما کی چھٹیاں کم کرنے کا فیصلہ

ہفتہ جنوری 16 , 2021
پنجاب حکومت کا موسم گرما کی چھٹیاں کم کرنے کا فیصلہ Published On 14 January,2021 08:42 pm لاہور: (دنیا نیوز) پنجاب حکومت نے موسم گرما کی چھٹیاں کم کرنے کا فیصلہ کر لیا ہے۔ اس بات کا اعلان صوبائی وزیر تعلیم مراد راس نے ایک تقریب کے دوران کیا۔ تفصیل […]

کیلنڈر

جنوری 2021
پیر منگل بدھ جمعرات جمعہ ہفتہ اتوار
 123
45678910
11121314151617
18192021222324
25262728293031
%d bloggers like this: