نیوز رپورٹر نذیر احمد ساغر
عوام کے تعاون کے بغیر پولیس جرائم پر قابو پانے میں کامیاب نہیں ہوسکتی۔عوام نے جرائم کے سدباب کے لئیے ہمیشہ پل کا کردار ادا کیا ہے۔
(ڈی پی او مانسہرہ کی تھانہ شنکیاری میں عمائدین علاقہ سے گفتگو)
ڈی پی او مانسہرہ صادق بلوچ نے تھانہ شنکیاری میں عمائدین علاقہ ، علماء کرام ، تاجر برادری ،میڈیا نمائندگان اور سابق بلدیاتی نمائندوں کے ساتھ ملاقات اور میٹنگ کی۔
اپنی گفتگو کے دوران ڈی پی او مانسہرہ صادق بلوچ کا کہنا تھا کہ جیسا کہ آپ سب کے علم میں ہے کہ کورونا وباء کا دوسرا اور خطرناک وار جاری ہے۔جس طرح آپ تمام احباب نے پہلے کورونا ایس او پیز پر عملدرآمد کیا اور باقی اہلیان علاقہ کو بھی اسکے بارے میں تلقین کرتے رہے۔ہمیں امید ہے کہ اسی طرح اس بار بھی آپ احباب اپنا بھرپور کردار ادا کریں۔
کمسن ڈرائیورز کے حوالے سے بات کرتے ہوۓ انکا کہنا تھا کمسن بچوں کو ڈرائیونگ سے باز رکھنے کےلئیے پولیس سے زیادہ کردار والدین کا ہوتاہے ۔والدین کو چائیے کہ جب تک انکے بچے 18 سال کی عمر کو نہ پہنچ جائیں اور انکاڈرائیونگ لائسنس نہ بن جاۓ تب تک وہ اپنے کمسن بچوں کو گاڑی یا موٹرسائیکل ہرگز مت دیں۔
یہ نیوز ( نیوز رپورٹر – نذیر احمد ساغر) نے ارسال کی ہے
