رواں سال پاکستانیوں نے گوگل پر سب سے زیادہ کیا سرچ کیا؟

گوگل نے سال کے اختتام پر اپنی سالانہ فہرست کا اعلان کیا اور دنیا بھر کے ساتھ ساتھ پاکستان میں لوگوں کے سرچ رجحان کی فہرست بھی جاری کردی ہے۔

2020 میں پہلی بار گوگل نے پاکستان کے لیے 6 مختلف کیٹیگریز میں سرچز کی فہرست جاری کی ہے۔

گوگل نے اس فہرست کے لیے درجہ بندی کسی نام کے حوالے سے زیادہ ٹریفک کو دیکھتے ہوئے کی اور اسے 6 کیٹیگریز ٹاپ سرچز، افراد، کورونا وائرس، ایونٹس، گیجٹ اور فلموں و ٹی وی میں تقسیم کیا۔

گوگل کی جانب سے جاری بیان کے مطابق ہر سال کھربوں سرچز میں سے سال بھر کے دوران سب سے زیادہ ٹرینڈنگ (رجحانات) کو مدنظر رکھ کر اس فہرست کو مرتب کیا جاتا ہے۔

یہ پہلا سال ہے جب پاکستان میں گوگل پر سرچ کی جانے والی سرفہرست 10 شخصیات میں کوئی بھی بولی وڈ اسٹار شامل نہیں بلکہ 2 کو چھوڑ کر سب ہی پاکستانی ہیں، جن میں سرفہرست ماروی سرمد ہیں۔

مزید پڑھیں : 2020 میں پاکستان میں سب سے زیادہ سرچ کی جانے والی شخصیات

شخصیات کے برعکس پاکستان میں سب سے زیادہ سرچ کیے جانے والے موضوعات اکثر کھیل یعنی کرکٹ کے گرد گھومتے ہیں، تاہم کورونا وائرس امریکی انتخابات اور آن لائن تعلیم بھی لوگوں کی توجہ کا مرکز رہے۔

1۔ پاکستان انگلینڈ سیریز

اے پی فوٹو
اے پی فوٹو

 

کورونا وائرس کی وبا کے دوران یہ پاکستان کی بیرون ملک پہلی سیریز تھی۔

یہی وجہ ہے کہ یہ 2020 میں پاکستان میں سب سے زیادہ سرچ کیا جانے والا موضوع رہا۔

2۔ کورونا وائرس

اے پی فوٹو
اے پی فوٹو

 

اب یہ بتانے کی ضرورت نہیں کہ یہ اس فہرست میں دوسرے نمبر پر کیوں ہے کیونکہ اس وبائی مرض نے دنیا بھر کی طرح پاکستان میں بھی لاکھوں افراد کو متاثر کیا۔

3۔ پاکستان زمبابوے سیریز

اے ایف پی فائل فوٹو
اے ایف پی فائل فوٹو

 

کورونا وائرس کی وبا کے دوران زمبابوے کی ٹیم نے ٹی ٹوئنٹی سیریز کے لیے پاکستان کا دورہ کرکے پاکستانیوں کا دل جیت لیا تھا۔

یہی وجہ ہے کہ یہ 2020 میں پاکستانیوں کی سرچز میں تیسرے نمبر پر ہے۔

4۔ گوگل کلاس روم

فوٹو بشکریہ گوگل
فوٹو بشکریہ گوگل

 

کورونا وائرس کی وجہ سے زندگی کے متعدد شعبے متاثر ہوئے اور اس حوالے سے گوگل نے پاکستان میں مختلف سہولیات بھی متعارف کرائیں، جن میں سے ایک گوگل کلاس بھی تھی۔

آن لائن تعلیم کی فراہمی میں اساتذہ کو مدد فراہم کرنے کے لیے کمپنی کی جانب سے گوگل میٹ اور کلاس روم کو پیش کیا جو اس فہرست میں چوتھے نمبر پر ہے۔

5۔امریکی صدارتی انتخابات

اے ایف پی فائل فوٹو
اے ایف پی فائل فوٹو

 

پاکستانی ہر بار ہی امریکا میں ہونے والے صدارتی انتخابات میں دلچسپی ظاہر کرتے ہیں اور سال بھی یہ گوگل پر سرچ کیا جانے والا 5 واں بڑا موضوع رہا۔

6۔ پی ایس ایل 2020

فوٹو بشکریہ پی ایس ایل ٹوئٹر اکاؤنٹ
فوٹو بشکریہ پی ایس ایل ٹوئٹر اکاؤنٹ

 

پی ایس ایل اس سال بھی پاکستانیوں کی آن لائن سرچز کا حصہ رہا پہلے فروری مارچ کے دوران، جب یہ کورونا کے باعث مکمل نہیں ہوسکا تھا۔

اس کے بعد اب نومبر میں اس کے آخری مقابلوں کی وجہ سے لوگ اس میں دوبارہ دلچسپی ظاہر کرنے لگے۔

7۔ بھارت بمقابلہ نیوزی لینڈ

اے پی فائل فوٹو
اے پی فائل فوٹو

 

سال کے شروع میں بھارت اور نیوزی لینڈ کے درمیان کھیلی جانے والی سیریز اس فہرست میں 7 ویں نمبر پر رہی۔

8۔انگلینڈ بمقابلہ آسٹریلیا

رائٹرز فائل فوٹو
رائٹرز فائل فوٹو

 

روایتی حریف ممالک کے درمیان ستمبر میں کھیلی جانے والی سیریز اس فہرست میں 8 ویں نمبر پر ہے۔

9۔ انگلینڈ بمقابلہ ویسٹ انڈیز

اے پی فائل فوٹو
اے پی فائل فوٹو

 

کورونا وائرس کی وبا سے کرکٹ مقابلے رک گئے تھے اور یہ پہلی سیریز تھی جو کئی ماہ بعد منعقد ہوئی اور اسی وجہ سے یہ کرکٹ پسند کرنے والے پاکستانیوں کی توجہ کا مرکز رہی۔

10۔ورلڈ او میٹرز

اسکرین شاٹ
اسکرین شاٹ

 

مختلف معاملات کے اعدادوشمار بتانے والی یہ ویب سائٹ پاکستان میں توجہ کا مرکز یقیناً کورونا وائرس کی وجہ سے ہی بنی، جہاں کیسز کی تعداد جاننے کے لیے لوگ رخ کرتے ہوں گے۔

ennpak

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

لیگی قائد میاں نواز شریف 1679 کنال زرعی اراضی کے بھی مالک نکلے

بدھ دسمبر 16 , 2020
قومی احتساب بیورو (نیب) کی جانب سے احتساب عدالت میں جمع کرائے گئے ریکارڈ میں بتایا گیا ہے کہ سابق وزیراعظم نوا شریف ایک ہزار 679 کنال زرعی اراضی کے مالک جبکہ 4 ملوں میں کروڑوں روپے کے شیئرز ہولڈر ہیں۔ رپورٹ کے مطابق نواز شریف کی زرعی اراضی شیخوپورہ سمیت لاہور […]

کیلنڈر

ستمبر 2021
پیر منگل بدھ جمعرات جمعہ ہفتہ اتوار
 12345
6789101112
13141516171819
20212223242526
27282930  
%d bloggers like this: