واٹس ایپ نے مفت پیمنٹ سروس متعارف کرادی

واٹس ایپ نے بھارت میں مفت پیمنٹ سروس متعارف کرادی ہے اور بہت جلد دنیا کی مقبول ترین مسیجنگ اپلیکشن سپر ایپ بن جائے گی۔

فیس بک کی زیرملکیت کمپنی کی جانب سے ایک بلاگ میں بتایا گیا کہ سروس کی بدولت لوگ اپنے پیاروں کو رقوم بھیج سکیں گے یا دور سے بھی کسی چیز کی قیمت ادا کرسکیں گے، جس کے لیے انہیں خود جاکر یا کسی مقامی بینک جانے کی ضرورت نہیں ہوگی۔ یہ محفوظ پیمنٹ سروس رقوم کی منتقلی کو کسی میسج بھیجنے جتنا آسان بنادے گی۔

واٹس ایپ کی جانب سے 2018 میں بھارت میں ڈیجیٹل پیمنٹ سروس کی آزمائش محدود صارفین میں شروع کی گئی تھی اور جب سے وہ اسے متعارف کرانے کے لیے ریگولیٹری منظوری کا انتظار کررہی تھی۔

اب واٹس ایپ کو یہ منظوری مل گئی ہے اور اس سروس کو آغاز میں 2 کروڑ صارفین کے لیے متعارف کرایا جارہا ہے۔

اس سروس سے لوگوں کو اپنے بینک اکاؤنٹس سے ایپ کے اندر منسلک ہونے کی سہولت ملے گی اور وہ دیگر کو رقوم بھیج سکیں گے۔

کمپنی کے مطابق یہ سروس آئی او ایس اور اینڈرائیڈ کے تازہ ترین ورژنز میں دستیاب ہوگی اور یو پی آئی انفراسٹرکچر پر مبنی ہے، جسے بھارت کے چند بڑے بینکوں نے تیار کیا۔

اس سروس سے واٹس ایپ سپر ایپ بننے کے مقصد کے مزید قریب ہوگئی ہے، خاص طور پر بھارت میں، جہاں اس کے 40 کروڑ سے زائد صارفین ہیں۔ اس سے پہلے برازیل میں واٹس ایپ نے اپنی پیمنٹ سروس متعارف کرائی تھی مگر اسے بہت جلد معطل کردیا گیا تھا۔

جون میں اس سروس کو وہاں متعارف کرایا گیا مگر چند دن بعد برازیل کے مرکزی بینک نے واٹس ایپ پیمنٹس کو اپنے ملک میں معطل کردیا۔

بینک کی جانب سے فیچر کو معطل کرنے کا مقصد مناسب مسابقتی ماحول کا تحفظ ہے، جو اس بات کو یقینی بنائے گا کہ پیمنٹ کا نظام تیز، محفوظ، شفاف، سستا، قابل مبادلہ اور اوپن ہو۔

بھارت کے بعد برازیل میں واٹس ایپ کے سب سے زیادہ صارفین ہیں، فیس بک کے مطابق یہ فیچر بتدریج تمام صارفین کے لیے دستیاب ہوگا۔

نیوز ڈیسک

ای این این ٹی وی کا نیوز ڈیسک نمائندگان کی خبروں کے ساتھ ساتھ دنیا بھر میں رونما ہونے والے واقعات کو اپنی قارئین کے لیے اپنی ویب سائٹ پر شائع کرتا ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

امریکا کے صدارتی امیدوار جوبائیڈن پاکستان سے بخوبی واقف، کئی دورے کر چکے

اتوار نومبر 8 , 2020
ڈی ڈبلیو کے مطابق پچھلی تین دہائیوں کے دوران ان کے پاکستان کے سیاستدانوں اور عسکری قیادت کے ساتھ براہ راست رابطے رہے ہیں۔ رپورٹ کے مطابق 2008ء میں انہوں نے ری پبلکن قیادت کے ساتھ مل کر پاکستان کیلئے اربوں ڈالر کی امداد کا پیکیج تیار کیا جس کا […]

کیلنڈر

دسمبر 2020
پیر منگل بدھ جمعرات جمعہ ہفتہ اتوار
 123456
78910111213
14151617181920
21222324252627
28293031  
%d bloggers like this: