نارووال(نمائندہ خصوصی۔رانا محمد مدثر)
مورخہ 27اکتوبر 2020 ڈپٹی کمشنرشاہد زمان لک نے کہا ہے کہ سہولت بازار حقیقی طور پرعوام کی امنگوں کے مطابق ترجمانی کررہے ہیں یہی وجہ ہے کہ عام شہری
بھی سہولت بازار سے بھرپور استفادہ حاصل کررہے ہیں ، سہولت بازاروں سمیت ضلع بھر کی مارکیٹ میں کسی جگہ بھی آٹا کی قلت نہیں اور آٹا وافر مقدار میں
موجودہ ہے ۔ ان خیالات کا اظہار انہوں نے سہولت بازار کا دورہ کرتے ہوئے کیا۔ اسسٹنٹ کمشنر سیدہ تہنیت بخاری ،ڈپٹی ڈائریکٹر زراعت چوہدری محمد عارف ،ڈپٹی ڈا
ئریکٹر لائیو سٹاک ڈاکٹر نصرت پروین ،چیئرمین مارکیٹ کمیٹی فیاض بھنڈر ،کے علاوہ ٹائیگرفورس کے ممبران و دیگر اس موقع پر موجود تھے۔ ڈپٹی کمشنر نارووال نے
سہولت بازار میں آٹا ،چینی اور دالیں و دیگر سٹال کا بغور معائنہ کیا ۔انہوں نے چیئرمین مارکیٹ کمیٹی و دیگر متعلقہ افسران کو ہدایت کی کہ وہ روزانہ کی بنیاد پر
سہولت بازاروں کا دورہ کریں اور عام صارفین کو درپیش مشکلات کا فوری ازالہ کریں_
خبر (نمائندہ خصوصی . رانا محمد مدثر) نے ارسال کی ہے
