سمبڑیال ( سید مطیع الحسن نقوی ۔ ڈویژنل بیورو چیف )
سمبڑیال وارڈن پولیس اہلکاروں کی بدمعاشیاں
عروج پر ،رشوت نہ دینے پر ڈرائیور حضرات کے
چالان کرنے لگے، غریب ڈرائیور شدید پریشان،
ڈی پی او سیالکوٹ سے نوٹس لینے کا مطالبہ
سمبڑیال کے علاقہ موڑ سمبڑیال پر تعینات سب
انسکپٹر”عنایت بیگ” نے اختیار کا ناجائز استعمال
کرنا شروع کر دیا ہے۔موصوف نے رشوت نہ دینے
کی پاداش میں چاند گاڑی اور ٹیوٹا ہائی ایس کے
ڈرائیوروں کے چالان کرنا اور گندی گالیاں دینا
معمول بنا رکھا ہے۔چالان کرنے کی وجہ سے بعض
اوقات توتکرار کا ماحول بھی پیدا ہو جاتا ہے اسی
طرح صبح کے وقت عنایت بیگ نے ٹیوٹا ہائی ایس
کے ڈرائیور سلیم سے مبینہ طور پر رشوت کا تقاضا
کیا اور پیسے نہ دینے پر اسے گندی گالیاں دینا
شروع کر دیں جس پر دلبرداشتہ ہو کر سلیم
ڈرائیور نے اپنے کپڑے پھاڑ لیے اور وارڈن پولیس
اہلکاروں کیخلاف احتجاج کرنا شروع کر دیا جس
کو دیکھ کر باقی ڈرائیور حضرات بھی اکٹھے ہو
گئے اور وارڈن اہلکاروں کے متعلق میڈیا کو بتایا کہ
وارڈن اہلکار ہم سے صبح ناشتہ کرنے کے لیے رشوت
طلب کرتے ہیں جو ان کو ناشتہ وغیرہ کروا دیتے
ہیں وہ چالان سے بچ جاتے ہیں اور جو ان کو منہ
مانگے پیسے نہ دے اس کو گندی گالیاں بھی دیتے
ہیں اور 300 سے لیکر 500 تک کا چالان بھی کر
دیتے ہیں جبکہ چالان رسید اپنے پاس رکھ کر موقع
پر خود ہی پیسے وصول کرتے ہیں جو کہ سراسر
قانونی کی خلاف ورزی ہے۔چاند گاڑی اور ٹیوٹا ہائی
ایس ڈرائیوروں نے سمبڑیال موڑ پر شدید احتجاج
کرتے ہوئے ڈی پی او سیالکوٹ سے فوری نوٹس لینے
کا مطالبہ کیا ہے۔
یہ خبر – سمبڑیال ( سید مطیع الحسن نقوی ۔ ڈویژنل بیورو چیف ) نے ارسال کی ہے۔
