سید بابر علی نقوی – نمائندہ خصوصی ( سعودی عرب)
قوانین کی خلاف ورزی پاکستانی کاروباری شخصیت سمیت تین
شہریوں کے خلاف کارروائی۔
سعودی عرب میں وزارت تجارت کی طرف سے مختلف اداروں
کاروباری مراکز میں چھان بین شروع کر دی گئی ہے۔
وزارت تجارت نے پاکستانی تارک وطن کو کاروبار کی اجازت دینے پر
تین شہریوں کے خلاف کارروائی کی۔
وزارت تجارت نے کہا ہے کہ ’بریدہ میں تین شہریوں مشعل بن علی
الرشیدی، صالح بن محمد العید اور عبد الرحمن الطویان نے پاکستانی
تارک وطن محمد قاسم کو کھجوروں کا کاروبار کرنے کے لیے اپنا نام
استعمال کرنے کی اجازت دے رکھی تھی۔
’ثبوت ملنے پر چاروں افراد کو عدالت میں پیش کیا گیا جنہوں نے
قوانین تجارت کی خلاف ورزی کا اقرار کیا ہے‘۔
’عدالت نے تجارتی ادارہ بند اور اس کا لائسنس منسوخ کرنے کے
علاوہ مذکورہ افراد پر جرمانہ اور پاکستانی تارک وطن کو ملک بدر
کرنے کا حکم سنایا۔
’وزارت تجارت کے قوانین کی خلاف ورزی پر پاکستانی تارک وطن کو
بلیک لسٹ کردیا جائے گا، وہ کسی بھی ویزے پر دوبارہ سعودی عرب
نہیں آسکتا۔
یہ خبر سید بابر علی نقوی – نمائندہ خصوصی ( سعودی عرب) نے ارسال کی ہے
