کراچی میں پاکستان سپر لیگ کا میلہ سجنے میں چند گھنٹے باقی

پاکستان سپر لیگ (پی ایس ایل) سیزن 4 کا میلہ کراچی میں سجنے میں بس چند گھنٹے ہی باقی ہیں اور شائقین اپنے پسندیدہ کھلاڑیوں کو نیشنل اسٹیڈیم میں کھیلتے ہوئے دیکھنے کو بے قرار ہیں۔

متحدہ عرب امارات میں پی ایس ایل کے کامیاب مرحلوں کے بعد آخری مرحلے کے 8 میچز کا آغاز آج سے کراچی کے نیشنل اسٹیڈیم میں ہوگا اور اس سلسلے میں تمام تیاریاں مکمل کی جاچکی ہیں۔

نیشنل اسٹیڈم کراچی میں آج اسلام آباد یونائیٹڈ اور لاہور قلندرز کی ٹیم مدمقابل ہوں گی، میچ کا آغاز شام 7 بجے ہوگا جبکہ شائقین کے لیے اسٹیڈیم کے دروازے 4 بجے کھول دیے جائیں گے۔

مزید پڑھیں: پی ایس ایل: اسٹیڈیم آنے والے شائقین کے لیے ضروری ہدایات

شہر قائد میں ہونے والے میچز کے پیش نظر سیکیورٹی کے بھی سخت انتظامات کیے گئے ہیں اور پولیس، رینجرز کے جوان سیکیورٹی کے فرائض انجام دے رہے ہیں۔

اسی کے ساتھ ساتھ شائقین کے لیے بھی خصوصی ہدایات جاری کی گئی ہیں اور اسٹیڈیم آنے والے ہر شہری کے لیے ٹکٹ اور اصل قومی شناختی کارڈ لانا ضروری ہے جبکہ کسی بھی قسم کی کھانے پینے کی اشیا، ممنوعہ آلات لانے پر پابندی ہے۔

انتظامیہ کی جانب سے اسٹیڈیم آنے والے شائقین کے لیے مختلف مقامات پر پارکنگ کے مقامات بنائے گئے ہیں، جہاں گاڑیاں پارک کرکے انہیں شٹل سروس کے ذریعے اسٹیڈیم لایا جائے گا۔

آج کھیلے جانے والے میچ کی بات کی جائے تو یہ دونوں ٹیموں خصوصی طور پر اسلام آباد یونائیٹڈ کے لیے بہت زیادہ اہمیت کا حامل ہے کیونکہ اگر اسلام آباد یونائٹیڈ آج کا میچ ہارتا ہے تو اگلے مرحلے میں پہنچنے کے امکانات بہت کم ہوجائیں گے۔

اسی طرح لاہور قلندرز کے لیے بھی یہ میچ کافی اہم ہے اور اسے بھی اگلے مرحلے میں پہنچنے کے لیے آج کا میچ جیتا ہوگا، تاہم اس کے باوجود اگر لاہور آج کا میچ ہار بھی جاتا ہے تو اس کے پاس ایک اور موقع اگلے میچ کی صورت میں باقی رہے گا۔

تاہم اسلام آباد یونائیٹڈ کا ایونٹ کے راؤنڈ مرحلے میں یہ آخری میچ ہے اور ٹاپ 4 ٹیموں میں کوالیفائی کے لیے اسی اس میچ میں کامیابی حاصل کرنا ہوگی۔

اگر پاکستان سپر لیگ کے پوائنٹس ٹیبل کی اب تک کی صورتحال کی بات کی جائے تو کوئٹہ گلیڈی ایٹرز کی ٹیم 9 میں سے 7 میچز میں کامیابی حاصل کرکے 14 پوائنٹس کے ساتھ سرفہرست ہے۔

کوئٹہ کے بعد پوائنٹس ٹیبل پر پشاور کا نمبر آتا ہے اور وہ 9 میں سے 6 میچز میں کامیابی حاصل کرکے 12 پوائنٹس کے ساتھ دوسرے نمبر پر ہے۔

اس کے بعد اسلام آباد یونائیٹڈ کی ٹیم پوائنٹس ٹیبل پر موجود ہے جو 9 میں سے 4 میچز میں جیت کر 8 پوائنٹس کے ساتھ تیسرے نمبر پر ہے، تاہم انہیں کے ساتھ کراچی کنگرز کی ٹیم 8 میں سے 4 میچز جیت پر 8 پوائنٹس کے ساتھ چوتھے جبکہ لاہور قلندرز کی ٹیم بھی 8 میں سے 4 میچز میں کامیابی سمیٹ کر 8 پوائںٹس حاصل کرکے پانچویں نمبر پر ہے۔

اسی طرح پی ایس ایل کے 4 سیزن میں دوسری مرتبہ شرکت کرنے والی ملتان سلطان کی ٹیم اگلے مرحلے میں کوالیفائی کرنے سے باہر ہوگئی اور وہ 9 میں سے صرف 2 میچز جیت کر 4 پوائنٹس کے ساتھ آخری نمبر پر ہے۔

دلچسپ بات یہ ہے کہ اسلام آباد، کراچی اور لاہور تینوں ٹیموں کے 8، 8 پوائنٹس ہیں لیکن اسلام آباد کا ایک جبکہ باقی دونوں ٹیموں کے 2، 2 میچز ابھی باقی ہیں۔

اب دیکھنا یہ ہوگا کہ 2 مرتبہ کی پی ایس ایل چیمپئن اسلام آباد یونائیٹڈ اگلے مرحلے میں جاتی ہے یا اس کا سفر یہی ختم ہوتا ہے۔

نیوز ڈیسک

ای این این ٹی وی کا نیوز ڈیسک نمائندگان کی خبروں کے ساتھ ساتھ دنیا بھر میں رونما ہونے والے واقعات کو اپنی قارئین کے لیے اپنی ویب سائٹ پر شائع کرتا ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

عورتوں پر ظلم کی حوالے سے ڈاکٹر قادرمگسی کی میڈیا سے گفتگو

ہفتہ مارچ 9 , 2019
( دلبر علی‎ ۔ ڈسٹرکٹ رپوٹر ) عورتوں پر ظلم کی حوالے سے ڈاکٹر قادرمگسی میڈیا سے گفتگو کررہے ہیں

کیلنڈر

نومبر 2020
پیر منگل بدھ جمعرات جمعہ ہفتہ اتوار
 1
2345678
9101112131415
16171819202122
23242526272829
30  
%d bloggers like this: