ملک حالت جنگ میں ہے اور ہمیں نوبل انعام کی پڑ گئی، خورشید شاہ

قومی اسمبلی میں قائد حزب اختلاف اور پاکستان پیپلز پارٹی (پی پی پی) کے سینئر رہنما سید خورشید شاہ نے وزیر اعظم عمران خان کو امن کا نوبل انعام دینے کی آن لائن پٹیشن پر برہمی کا اظہار کردیا۔

اپنے بیان میں خورشید شاہ نے کہا کہ ‘ملک حالت جنگ میں ہے اور ہمیں نوبل انعام کی پڑ گئی۔’

انہوں نے نوبل انعام کے لیے پٹیشن سے متعلق مزید کہا کہ ’مجھے سمجھ نہیں آتا کہ حکومتی وزرا یہ سب کیوں کر رہے ہیں‘۔

ان کا کہنا تھا کہ حکومتی وزرا، وزیر اعظم کو نوبل انعام دلوانا چاہتے ہیں لیکن عمران خان نے اپوزیشن رہنماؤں سے سلام دعا تک نہیں کی۔

خورشید شاہ نے واضح کیا کہ ملکی سلامتی کے لیے اپوزیشن نے حکومت سے ایک قدم آگے بڑھ کر اپنا تعاون پیش کیا۔

نوبل انعام کے لیے آن لائن پٹیشن کا آغاز
وزیر اعظم عمران خان کی جانب سے گرفتار بھارتی پائلٹ کو آزاد کرنے کے اعلان کے بعد دنیا بھر میں ان کے امن پھیلانے کے پیغام کو سراہا گیا تھا۔

وزیر اعظم کے اعلان کے بعد گزشتہ روز شام کو گرفتار بھارتی پائلٹ ابھی نندن کو واہگہ بارڈر پر بھارتی حکام کے حوالے کیا گیا۔

گرفتار بھارتی پائلٹ کو جذبہ خیر سگالی کے تحت آزاد کرنے اور خطے میں امن پھیلانے کے وزیر اعظم عمران خان کے فیصلوں کے بعد سوشل میڈیا پر انہیں امن کا نوبل انعام دینے کی مہم شروع کی گئی۔

نہ صرف سوشل میڈیا بلکہ وزیر اعظم عمران خان کو امن کا نوبل انعام دینے کے لیے رمیز آصف نامی شخص کی جانب سے ایک آن لائن پٹیشن کی مہم بھی شروع کردی گئی، جس پر اب تک 3 لاکھ سے زائد افراد دستخط کر چکے ہیں۔

پٹیشن میں کہا گیا ہے کہ خطے میں امن قائم کرنے کی کوششیں کرنے پر اس درخواست کے ذریعے وزیراعظم پاکستان عمران خان نیازی کو 2020 کے امن کے نوبل انعام کے لیے نامزد کیا جاتا ہے۔

درخواست میں کہا گیا ہےکہ وزیر اعظم پاکستان عمران خان کا مقصد خطے میں امن اور استحکام پیدا کرنا ہے، اس لیے مطالبہ کیا جاتا ہے کہ انہیں 2020 کا امن کا نوبل انعام دیا جائے۔

علاوہ ازیں ٹوئٹر پر بھی وزیر اعظم عمران خان کو امن کا نوبل انعام دینے کی مہم شروع کردی گئی اور ’نوبل پیس پرائز فار عمران خان‘ کا ہیش ٹیگ استعمال کیا گیا۔

fakharzafar7

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

کراچی: میڈیکل کی طالبہ پولیس کی گولی سے جاں بحق ہوئی، رپورٹ

اتوار مارچ 3 , 2019
کراچی: نارتھ کراچی میں پولیس اور مبینہ ڈکیتوں کے درمیان مقابلے کی زد میں آنے والی میڈیکل کی طالبہ کے حوالے سے انکشاف ہوا ہے کہ نمرا ’پولیس کی گولی‘ لگنے سے جاں بحق ہوئی۔ معاملے کی تحقیقات سے واقف ذرائع نے ڈان کو بتایا کہ جائے وقوع سے حاصل […]

کیلنڈر

نومبر 2020
پیر منگل بدھ جمعرات جمعہ ہفتہ اتوار
 1
2345678
9101112131415
16171819202122
23242526272829
30  
%d bloggers like this: