سڑک پر ہدایات اور معلومات دکھانے والی ’اسمارٹ ہیڈلائٹ‘

مشی گن: ایک محتاط اندازے کے مطابق رات کی تاریکی میں ہیڈ لائٹ کی روشنی ہونے کے باوجود 40 فیصد حادثات ہوتے ہیں جن کی وجہ معلومات کا نہ ہونا ہے۔ اس ضمن میں فورڈ کمپنی نے اسمارٹ ہیڈلائٹس کی آزمائش شروع کی ہے جو بدلتی کیفیات کے تحت ہدایات اور معلومات سڑک پر ڈالے گی جسے پڑھ کر سوار آسانی سے ان پر عمل کرسکے گا۔

فی الحال اسے بہت سی سڑکوں پر آزمایا جارہا ہے جو اندھیرے میں رفتار کی حد کے سائن بورڈ نظر انداز ہونے کی صورت میں اسے روڈ پر ہی دکھا دیتی ہے۔ اسی طرح مؤثر انداز میں آگے آنے والے خطرناک موڑ سے بھی خبردار کرتی یا پھر بارش کا برف بار کا عندیہ بھی دے سکتی ہے۔

اس ٹیکنالوجی سے ایک تو ڈرائیور اپنی توجہ روڈ پر ہی مرکوز رکھے گا اور دوسری جانب برف سے بھرے روڈ یا کسی دھند وغیرہ سے بھی خبردار کرے گا۔ اس کے علاوہ ضرورت پر ہیڈلائٹس تنگ جگہوں پر گاڑی کی چوڑائی سے بھی خبردار کرسکے گا تاکہ اسے تنگ پارکنگ یا چھوٹے روڈ پر آسانی سے چلایا جاسکے۔
اگر روڈ پر زیبرہ کراسنگ یا دیگر معلومات دھندلا چکی ہے تو ہیڈلائٹ انہں بھی واضح کرکے روڈ پر ڈسپلے کردیتی ہیں جس سے سائیکل پر آنے والے افراد کے لیے حدود چھوڑنا آسان ہوجائے گا۔ یعنی فورڈ گاڑی کی ہیڈلائٹ روڈ کے پروجیکٹر کا کام کرے گی جس میں ایک عمدہ سافٹ ویئر بھی استعمال کیا گیا ہے۔

کمپنی کے مطابق رات کے وقت سفر کرنے والے ڈرائیوروں کی الجھن دور کرنے کے لیے اسے بطورِ خاص ڈیزائن کیا گیا ہے۔ اس طرح ضروری معلومات سڑک سے نظر ہٹائے بغیر خود سڑک پر ہی ظاہر ہونے لگیں گی۔

فورڈ کمپنی کے مطابق اگر آپ کار 90 کلومیٹر فی گھنٹے کی رفتار سے چلا رہے ہیں تو یہ ایک سیکنڈ میں 25 میٹر کا سفر طے کرتی ہے اور یوں کار اسکرین دس میٹر یا اس سے زائد کے لیے اوجھل ہوجاتا ہے۔ اس طرح تنگ زاویوں والے موڑ سے نگاہ چوک سکتی ہے اور کوئی حادثہ بھی ہوسکتا ہے۔

نیوز ڈیسک

ای این این ٹی وی کا نیوز ڈیسک نمائندگان کی خبروں کے ساتھ ساتھ دنیا بھر میں رونما ہونے والے واقعات کو اپنی قارئین کے لیے اپنی ویب سائٹ پر شائع کرتا ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

ریاست ٹیکسوں کا منصفانہ نظام نافذ کرنے میں ناکام

پیر اگست 22 , 2022
اسلام آباد: ٹیکسیشن (محصول کاری) ممکنہ طور پر ریاست اور شہریوں کے درمیان سب سے اہم واسطہ یا تعلق ہے۔ شہری ریاست کو ٹیکس ادا کرتے ہیں جس کے عوض ریاست انھیں مختلف خدمات جیسے تعلیم و صحت، انفرا اسٹرکچر وغیرہ فراہم کرتی ہے۔ وقت گزرنے کے ساتھ ساتھ ٹیکسیشن […]

کیلنڈر

ستمبر 2022
پیر منگل بدھ جمعرات جمعہ ہفتہ اتوار
 1234
567891011
12131415161718
19202122232425
2627282930  
%d bloggers like this: